الواي بروتين

-
                     
                                                               🔞 الواي بروتين 🔞


🎖1️⃣🎖 آخد كام سكوب بروتين في اليوم ؟
▪️الموضوع متوقف على نظامك الغذائي والكمية اليومية من البروتين اللي بيحتاجها جسمك ، يعني في شخص علشان يكمل إحتياجه بياخد ٢ سكوب في اليوم وشخص تاني بياخد ٣ سكوب ، مفيش رقم محدد لكل الناس .

🎖2️⃣🎖آخد الواي بروتين إمتى ؟
▪️ممكن تاخده الصبح قبل الفطار ومع وجبة قبل التمرين وبعد التمرين مباشرة وممكن قبل النوم ، في أبحاث قالت إن أفضل وقت ممكن تاخده وتعمل بيه عضلات بيكون قبل التمرين وأبحاث تانية قالت بعد التمرين ، يعني ممكن توزعه على الأوقات اللي تحبها لإنه مجرد وجبة بروتين عادية لكن سريعة الإمتصاص .

🎖3️⃣🎖إيه أفضل أنواع مكملات الواي بروتين ؟
▪️في أنواع كتير من الواي البروتين زي بروتين الواي المعزول ، بروتين الكازين ، بروتين الحليب المركز .. لو كنت بتعاني من حساسية تجاه اللاكتوز يبقى لازم تستخدم البروتين المعزول علشان بيحتوي على نسبة صغيرة أو منعدمة من اللاكتوز مقارنة بمكملات البروتين المركزة .

🎖4️⃣🎖ينفع أستخدم الواي بروتين في أيام الراحة ؟
▪️وقت الراحة بتاخد نفس كمية البروتين اللي بتاخدها يوميا ، سواء أخدتها من الأكل أو من المكملات الغذائية ، علشان البروتين بيساعدك على الإستشفاء والبناء العضلي .

🎖5️⃣🎖عايز أخس/أزيد آخد واي بروتين نوعه إيه ؟
▪️الواي بروتين ملهوش علاقة بزيادة أو نقصان الوزن ، المتحكم في ده هو كميات أكلك وسعراتك الحرارية بشكل عام وتمرينك ، لكن القاعدة العامة إنك ما تبقاش عايز تخس فتشتري مكمل جينر لانه بيحتوي على سعرات عالية ، أو تكون نحيف جدا وتشتري واي بروتين معزول علشان سعراته قليلة جدا .

🎖6️⃣🎖لو كنت باخد مكملات وبطلت وقتها هخس كل اللي زيدته ؟
▪️زي ماقولت المكملات والواي بروتين عبارة عن سعرات حرارية وبروتين سواء وفرتهم من مكملات أو من أكلك جسمك هيحافظ على العضلات لكن لو بطلت مكملات وماعوضتهاش من الأكل يبقى أكيد هتخس .


▪️للإستعلام عن برنامج التدريب الأونلاين تواصل على رقم     (01091300610)

تعليقات

إرسال تعليق

المشاركات الشائعة من هذه المدونة

جدول تدريب Push Pull Leg بالعربي

-
◀ ينفع للمستوى المتوسط فيما فوق ◀مدة التمرين 6 ايام اسبوعيا ◀وقت التمرين من 45-60 دقيقة عبارة عن انك بتمرن عضلات السحب ف يوم وعضلات الدفع فيوم والرجل فيوم وتكرر وده بيخليك تمرن عضلاتك مرتين اسبوعيا ◀هتاخد اول 3 ايام وراحه وتكمل ال 3 ايام التانيين 🚫Push A 🚫 اليوم الاول دفع عالي بالبار بنش 3x8 incline barbell bench press دفع فلات بالدامبل بنش 3x12 flat dumbell bench press دفع بنش بالدامبل مائل لاسفل 3x12 decline dumbell bench press كتف امامي بالبار واقف 3x12 shoulder military press دامبل تجميع كتف 2x15 Shoulder dumbell press دامبل تراي خلف الرأس (فرنساوي)3x15 triceps dumbell extinsion 🚫Pull A🚫اليوم الثاني سحب امامي واسع 3x8 lat pulldown wide grip دامبل منشار 3x12 Dumbell one arm row ترباس بالبار 3x12 barbell shrugs سحب مجنص بالحبل جهاز الكابل 2x15 standing cable lat pulldown rope تبادل باي دامبل 3x15 biceps dumbell curls 🚫Leg A🚫 اليوم الثالت قطنية ديد ليفت 3x6 deadlift سكوات امامي بالبار 3x12 front squats رجل امامي جهاز 3x15 Leg extinsion جهاز رجل خلفي 3x1...
قراءة المزيد

INBODY

-
⚫هنتكلم عن INBODY طبعا اي حد بيروح جيم او بيفكر يبدأ سواء متابعه اونلاين او متابعه برايفت بيتطلب منه Inbody و معظم الناس مش بتكون فاهمه الكلام الكتير اللي ف الانبودي . 1_ Weight : الوزن. 🔹 و دا وزنك الكلي بالكجم و بيكون فيه تصنيف Under,Normal,Over يعني تحت المعدل او الوزن الطبيعي و طبيعي و فوق العادي اوفر يعني . 2_Muscle Mass : وزن العضلات. 🔹و دا وزن العضلات ف جسمك بالكجم و ف بعض التقارير بتاعت الانبودي بيكون اسمه Skeletal Muscle Mass و دا بيكون مجموع عضلات جسمك فقط من غير القلب و بقية العضلات الداخليه بالجسم. 3_ Body Fat Mass : 🔹و دا بيكون وزن الدهون ف جسمك بالكجم . ايوا ايوا هو متتصدمش ي وحش 😎😎 4_ Total body water : TBW: 🔹و دا بيكون وزن المياه ف جسمك و معروف ان 70% من وزننا مياه . 5_Protein : 🔹من اسمه كمية البروتين اللي موجوده ف خلايا جسمك و بيكون طبيعي ف نسبة 15% 6_Fat Free Mass : FFM 🔹و دا بيكون وزن الكتله اللادهنيه يعني وزن جسمك من غير دهون ي بطل و بيسمي LBM . 7_Minerals. or Total Body Mineral .TBM 🔹و دي بتكون قيمة المعادن ف جسمك و بتدل ع ان صح...
قراءة المزيد

الالياف العضلية

-
👈  لازم تعرف كل عضلة مكونة من ايه عشان تختار نوع التدريب اللى هيجيب نتيجة افضل معاها 💪 - كتير مننا واخد قاعدة ان العدات تبقى من 8-12 عدة وبيعمم القاعدة دى ع كل عضلات جسمه , وده كلام مش صحيح 100% ..  عضلات جسمك مختلفة ف تركيبها الداخلى ولذلك لازم كل جزء يبقى ليه نظام تدريب مستقل بذاته ف اشكال التمارين وعدد المجموعات والتكرارات . ⭕ طيب تمام كدا احنا عرفنا الغلط اللى كنا بنقع فيه عشان نبتدى نعرف الصح لازم يكون لينا قواعد هنمشى عليها القواعد دى هتبقى عبارة عن ان احنا نعرف انواع الالياف العضلية المكونة للعضلات في الجسم البشرى ✳ اول نوع عندنا من الالياف العضلية اسمه ⬇ "TYPE I " : النوع دا عايزين نعرف عنه كام لقطة كدا 1- عشان ينقبض ويشتغل بياخد وقت طويل نسبيا 2- مقاوم للاجهاد يعنى زى واحد نومه تقيل اوووى لكن لما بيصحى ويفوق ممكن يفضل سهران ومطبق لفترة طويلة من غير اما يتعب 3- تقدر تستخدم النوع دا من الالياف لمدة تقدر بالساعات بدون حدوث اجهاد عضلى افضل مثال ع كدا العدائيين بتوع المارثونات بتلاقيهم بيجرو مسافات كبيررررة جدا من غير توقف ومن غير تعب 4- حجم الالياف ...
قراءة المزيد