نواع الاجسام

                                                                     🔞انواع الاجسام🔞


هتكلم النهاردة عن موضوع يهم اى حد بيلعب رياضة و بالذات الرياضات اللى محتاجة قوة و شدة زى كمال الاجسام و رفع الاثقال
اول واهم خطوة وانت نازل الجيم انك تكون فاهم نوع جسمك وامكانياته عشان تعرف تطوره و تحدد اكتر الطرق المناسبة ليه فى الاكل والتمرين..عشان ماتضيعش وقت ومجهود وفلوس فى الفاضى و بعدين تسأل انا ليه مش بخس او ليه مش بزيد
فهشرح بشكل مبسط و مفصل و علمى عن ازاى تعرف *نوع جسمك..**نوع الاكل المناسب ليه ..***طريقة التمرين المناسبة ليه..عشان مش كلنا عندنا نفس طبيعة الجسم...فمش كلنا ينفع نعامل اجسامنا بنفس الطريقة..فامينفعش تاخد نظام غذائى وتمرين copy past لازم تعرف الاول هومناسب ليكو لا لا
*انواع الأجسام( تشريحيا)
1🔞  اكتومورف (I type)
2️🔞 اندومورف(o type)
3️🔞 ميزومورف(v type)

ملحوظة ممكن جسمنا يكون نوع واحد من الانواع دى وممكن يكون mix بين نوعين

1🔴 اكتومورف (I type)

▪️تعرفه ازاى: زى اجسام عدائين المسافات الطويلة عامل زى المسمار..
اجسامهم رفيعة skinny ..تكوين عظمى صغير(وسط صغير و اكتاف ملمومة)..كتلة عضلية ضعيفة.و نسبة دهون اقل..مثال (Frank Zane)
▪️السبب العلمى : الغدة الدرقية (هرمونات t3 و t4) عنده و الجهاز العصبى الثمبثاوى..مسيطر عليه..عمليات الحرق عالية عمليات البناء عادية
التمثيل الغذائى (metabolic rate) الحرق عالى جدا..بيحرقوا لما بياكلوا اساسا...و عشان كدة من الصعب جدا اكتساب وزن بشكل عام(عضلات او دهون)..الجسم بيميل اكتر لحرق السعرات الزيادة ..النوع ده دايما اللى الناس بتحسده عشان بياكل كتييير و ما بيتخنش..دايما تلاقيهم محتاجين سكريات
**▪️الاكل : افضل نظام غذائى مناسب ليهم يكون غنى بالكاربوهيدرات الصحية..متوسط البروتين و الدهون
55 carbohydrates
25 proteins
20 fats
المكملات ▪️افضل الانواع غنية بالكابرهيدرات والدهون معتدلة البروتين mass gainers
***التمرين▪️ : تمارين مركزة باوزان عالية تكرارات اقل..فترات راحة اطول..جرب التمارين المركبة..كارديو اقل..يفضل تغييرالتمرين كل شهر..و تغيير الشدة

2🔴 اندومورف(o type)
▪️تعرفه ازاى: زى اجسام الpower lifters عامل زى الكورة..
اجسامهم ضخمة ..تكوين عظمى كبير (وسط عريض و اكتاف واطراف كبيرة)..كتلة عضلية ودهنية عالية..مثال (Jay Cuttler)
▪️السبب العلمى : الجهاز العصبى الباراثمبثاوى مسيطر عليه..عمليات الحرق ضعيفة..عمليات البناء عالية
التمثيل الغذائى (metabolic rate) الحرق منخفض..و عشان كدة من السهل جدا اكتساب وزن بشكل عام(عضلات او دهون).. و دهون اكتر عشان الجسم بيميل لتخزين السعرات الزيادة على شكل دهون..بيعزوا الاكل الدسم
**▪️الاكل : افضل نظام غذائى مناسب ليهم يكون منخفض بالكاربوهيدرات..متوسط البروتين و الدهون الصحية
25% carbohydrates
35% proteins
40% fats
▪️المكملات: افضل الانواع مكملات البروتين الصافية الخالية من الكارب والدهون iso whey
***▪️التمرين : اوزان عاية تكرارات عاليه 12-15..قلل فترات الراحة..الكارديو مهم و ضرورى جدا

3🔴 ميزومورف(v type) (ولاد المحظوظة)
▪️تعرفه ازاى: من غير تمرين و لا اى حاجة هتلاقيهم زى اجسام الموديل والسباحين..اجسام رياضية بالفطرة
اجسام متناسقة ..تكوين عظمى متناسب (وسط ملموم و اكتاف عريضة )..كتلة عضلية عالية ودهون منخفضة..مثال (Arnold Schwarzenegger)
▪️السبب العلمى : هرمون التستوستيرون و هرمون النمو مسيطيرين عليهم..عمليات حرق معتدلة..عمليات بناء قوية
التمثيل الغذائى (metabolic rate) الحرق معتدل..و عمليات البناء قوية و عشان كدة من السهل جدا اكتساب كتلة عضلية صافية .. و دهون اقل عشان الجسم بيميل لتخزين السعرات الزيادة فى العضلات.
**▪️الاكل : افضل نظام غذائى مناسب ليهم يكون متوازن بين الكاربوهيدرات و البروتين والدهون الصحية
40% carbohydrates
30% proteins
30% fats
▪️المكملات : افضل الانواع مكملات البروتين العادية تحتوى الكارب والدهون بنسبة عادية whey
***▪️التمرين : افضل انواع التمرين معتدلة تكرارات معتدلة 10-12..اوقات راحة معتدلة...يفضل تجربة معظم انواع التمارين المتقدمة وتغيير التكنيك drop set..supersets..eccentric


▪️للإستعلام عن برنامج التدريب الأونلاين تواصل على رقم     (01091300610)