تصحيح بغض المفاهيم

🔴هدفك الاساسي من تمرين المقاومه باوزان مينفعش يكون انك تخس لانك ممكن تتمرن حديد و ما تخسش
هدفك من تمرين الحديد يا اما قوه عضليه او ضخامه عضليه او تحمل عضلي
ولاكن الحديد هيساعدك انه يعلي حرقك فا هتخس اسهل

➖🔹➖🔹➖🔹➖🔹➖🔹

🔴البيعتمد بعد كده انت هتخس او هتزيد هو نظامك الغذائي مش نظام تمرين الحديد

⬛لو بتلعب 30 عده و اكلك اكثر من حرق جسمك مش هتخس

◼لو بتلعب 8-12 عده و اكلك اكثر من حرق جسمك مش هتخس بردو

◾الفكره انك لو لعبت عدات كثير هتزود قوه التحمل عدات اقل يعني 8-12 هتزود الحجم العضلي عدات اقل 1-6 عدات هتزود القوه العضليه
➖🔹➖🔹➖🔹➖🔹➖🔹

🔴عشان تخس صح بدون ما تفقد عضل بتاكل اكبر كميه اكل تخليك تخس مش العكس مش اقل كميه اكل كده هتوقع عضل بسهوله لو استمريت علي عجز سعرات كبير فتره كبيره بدون عمل ريفيد .

🔴الاستمارار علي عجز سعرات كثير فتره كبيره هيوطي هرمون اللبتين البدوره هيوطي الحرق عندك لحد ما جسمك يدخل في حاله بنسميها حاله المجاعه و الجسم بيلاقي خطر كبير عليه انه عمال يقل يقل فا بيخاف ينقرد فبيحتفظ بالدهون مش بيحرقها فا نصيحتي ليك بلاش عجز سعرات كبير تستمر عليه فتره كبيره

➖🔹➖🔹➖🔹➖🔹➖🔹

🔴تمرين الحديد لو بتخس مفيد جدا انك بتضغط علي العضله و مهم تزود اوزانك ديما فالعضله تلاقي ضغط اكبر كل فتره فا تكبر معاك او علي الاقل ما تخسش عضل و يبقي فقد الوزن اغلبه من الدهون .

➖🔹➖🔹➖🔹➖🔹➖🔹

🔴الكارديو مش هدفك الاساسي لو بتخس علي فكره لان الابحاث اثبتت ان علي المدي البعيد الحديد هيحرق كالوريز اعلي .. ده غير ان الكارديو فقط بدون حديد سهل جدا تخس عضل .

◾ لما تزيد عضل معدل حرقك هيزيد و معدل حرقك بيتحسب علي الوزن بدون دهون مضروب في 21.6 مجموع عليه 370 و دي حسبه الاين بدي 230  👌

◾ فتره الريكافري الجسم بيحرق كالوريز عاليه جدا فا ده بيكون في الحديد من 24 الي 72 ساعه حسب العضله و تغذيتك الخ ..

◾ اما الكارديو الجسم مش محتاج يعمل ريكافري فتره كبيره لان مفيش تقطيع الياف عضليه قويه حصلت زي في تمرين الحديد

◾ في فتره الريكافري حرق الجسم بيعلي بيعلي يعني فهنا سهل الشخص البينشف او بيخسس انه يخس ..

◾ اسهل لو لعب حديد عن لو اعتمد فقط علي الكارديو

⬛◼◾لافضل نتائج الدمج بين الحديد و الكارديو ◾◼⬛

➖🔹➖🔹➖🔹➖🔹➖🔹

⬛الحديد هيخلي شكل جسمك افضل لما بتزيد عضل و حتي لو دهونك ثابته نسبه الدهون قصاد العضل بتقل

◼فا شخص 100 كيلو عنده 40% دهون يعني وزنه بدون دهون 60 كيلو

◾شخص 100 كيلو عنده 15% دهون يعني وزنه بدون دهون 85 كيلو

⬛◼◾شكلك بيبقي حلو كل ما نسبه دهونك تبقي اقل مش كل ما ميزانك الكلي بيبقي اقل ◾◼⬛

➖🔹➖🔹➖🔹➖🔹➖🔹

⬛كل بحساب بكميه محسوبه و يكون كل اكلك علي مدار اليوم اقل من الجسمك بيحرقه لو بتنشف..

◼هنا انت عملت فجوه بين حرق جسمك الفعلي و الطاقه الدخلت من الاكل ..

◾ فانت كده هتخس بمقدار الفجوه الحققتها هذه .
نظامك الغذائي كان علي وجبه او 2 او 10 وجبات مش هتفرق كلت كل الاكل الصبح او بليل او فطرت الساعه 10 الصبح او بعد 10 مش هتفرق

➖🔹➖🔹➖🔹➖🔹➖🔹

⬛مفيش مشروب سحري هيخسسك دهون في اسبوع 5 كيلو

◼مفيش طريقه هتخسسك دهون بدون ما تاكل اقل من حرق جسمك

◾فالطاقه لا تفني ولا تستحدث من عدم ..

فالاكل طاقه و حرق جسمك طاقه فلابد من ان تعطي جسمك طاقه اقل من ما جسمك بيحرق لكي تجبر جسمك ان يسد هذا العجز من دهون جسمك المخزنه سابقا
➖🔹➖🔹➖🔹➖🔹➖🔹

🔴الموضوع اقسم بالله بسيط هي شويه شطاره منك تتعلم صح و تعرف تحسب الطاقه الجسمك محتاجها عشان تدخل لجسمك طاقه اقل ليس الا .

🔴مع مراعاه ان نظامك الغذائي يبقي فيه جميع العناصر البيحتاجها لكي تنعم بصحه جيده اثناء رحله التخسيس و ما تلاقيش شعرك بيقع و تعب و ارهاق مستمر الخ.
بقصد هنا الاهتمام بالفيتامينات و المعادن مش فقط السعرات و عدد جرامات بروتين و كارب و دهون .