الصيااام المتقطع

الصيااام المتقطع Intermittent fasting✔✔✔

-هو من اشهر انظمة الدايت الحديثه واللي انتشرت بشكل كبيير مؤخرا ، وثبت فاعليتها بشكل ملحوظ ، وحققت نتائج ممتازة مع ناس كتييير في وقت قياسي 👌👌 قبل ما ابدء كلام عن النظام
- لازم نبقي عارفين نقطه مهمه جدااا وهي ان اي نظام دايت في الدنيا مهمته انه ينظم وقتك وشهيتك في حدود السعرات اللي جسمك محتاجها علشان يقوم بعمليه حرق الدهون بشكل صحيح ✋ يعني بالبلدي كده ايان كان نظامك في الدايت انتا برضو محكوم بسعرات جسمك 👌 اختلاف الانظمه بيفرق بس في اللعب في توزيع السعرات دي علي العناصر الغذائيه اللي داخله جسمك (كارب+بروتين+الياف+دهون صحية)........ندخل في المفيد بقي ونفهم ايه هو الصيام المتقطع وفوايدة ✅✅👇

-طرق الصيام المتقطع 🚩

-الصيام المتقطع فيه منه نوعين وهما 👇

1-انك تصوم 16 ساعه عن الاكل تماما ، وتفطر 8 ساعات (وده النوع الافضل واللي هنتكلم )

2-النوع التاني انك تصوم 24 ساعه تماما عن الاكل وتفطر 24 ساعه (والنوع ده خطر جدا خصوصا لو فيه مشاكل في سكر او ضغط ومش بنصح بيه خاالص)

-نخلينا في النوع الاول لانه الاصح ✔👇

-النوع الاول (صيام 16 ساعه وفطار 8 ساعات)........ في النوع ده انتا بمتنع اكل تماما مدة 16 ساعه من يومك ، وخلال فترة الصيام الحاجه الوحيدة المسموح بيها هي المياة والمشروبات بدون سكر خااالص (لكن ممكن بديل سكر اي نوع تحبه ، وافضلهم بالنسبالي سويتال وايزو سويت ) وتاخد سعراتك خلال 8 ساعات من يومك ،يعني انتا برضو محكوم بسعراتك ، بتحسبها وتاخدهم براحتك خلال ال8 ساعات دول

-بس اهم حاجه انك تقسم سعراتك علي كل العناصر الغذائيه اللي جسمك محتاجها زي ما قولت فوق 👆 ما ينفعش تغفل عنصر علشان نظامك يبقي واخد مساره الصحيح 👌

-مثااال ...... اخر وجبة اخدته كانت 7 مثلا يبقي همتنع اكل زي ما قولنا 16 ساعة بعدها وبكده وجبه فطارك تاني يوم هتبقي الساعه 11 وتكمل باقي يومك لحد ما يخلصو ال8 ساعات وهكذاااا

-طيب انتا هتصحي من بدري هتعمل ايه لحد 11 تاخد اي مشربات بالشكل اللي قولنا عليه وممنوع اي حاجه تاني غير دول لحد 11 وتاخد وجبة فطارة عادي جداااا ، ويبقي كووويس اوووي لو خلال الفترة دي من اول ما تصحي لحد معاد فطارك تعمل اي مجهود بدني بس مش كبيير علشان تنشط جسمك اكتر✔✔

-فوائد الصيام المتقطع 🚩

1-بيظبط الانسولين في الدم وبيحسن احساس الخلايا ليه ✔

- طبعا احنا عارفين ان الانسولين هو كلمة السر في تخزين الدهون او حرقها ، طول ما نسبة الانسولين معتدلة في جسمك ، فالاكل بيتوزع علي العضلات ويتخزن في شكل جيلكوجين الي بيغذي العضلة ، وفي الكبد علشان يمد الجسم بالطاقه اللازمه للعمليات الحيوية في الجسم .....انتا بقي طول الوقت تاخد في كارب زيادة يعلي الانسولين وترجع تقلل بمزاجك ينخفض الانسولين ومع تكرار الموضوع بدون وعي حساسية الخلايا ليه بتقل وده بيخلي الاكل يروح علي طول علي الخلايا الدهنية👌👌

2- افراز هرمون النمو بشكل جييد ✔

-لما مستوي الانسولين بيبقي مظبوط زي ما قولنا ده بيحفز جداااا افراز هرمون النمو ، واللي بيساعد بشكل كبيير في عمليات الحيوية في الجسم واهمهم عملية البناء العضلي (يعني من الاخر كده مش هتخسر عضل اثناء فترة الصيام، بالعكس انتا هتكسب ) ده غير ان افراز بشكل كبيير بيجدد خلايا جسمك باستمرار ✔✔

3-بيساعد جدااااااا في تقليل نسبه الكوليسترول الضار في الجسم وبيزود نسبة وده بيرجع بالايجاب علي صحة القلب والاعصاء الداخليه بشكل عااام ، وبيمنع انسداد الشرايين والتجلطات الدموية👌

4-فترة الصيام الطويلة بتدي لاعضاء جسمك وخصوصا الكبد والكلي فرصة كبيرة ، انها تتخلص من السموم اللي فيها ، وبالتالي تشتغل احسن وبكفائة اعلي ✔✔

5-بيساااعد جدااا في عملية البناء العضلي 💪 وده لانه حساسيه الخلايا للانسولين بتبقي عاليه وبالتالي مخزون العضلات من الجليكوجين اللي هو مصدر غذاء العضلة كبييرة يعني بناء عضلي ممتاز👌👌

6- بيساعد جدااااااا في تقليل شهيتك للاكل وده لان جسمك بيتعود علي الصيام فبيبدء يدي اشارة للمخ ان الجسم في حالة صيام مدتها 16 ساعه وبالتالي كل أعضاء جسمك متبرمجه علي كده بما فيهم المعدة😂 وده طبعا هيحل مشكلة الجوع بشكل طبيعي جدااا ومن غير ادوية 👌

7-النظام ده بيساعد جدااااا في الوقاية من امراض الضغط والقلب والسكر والجلطات والسرطانات بجميع انواعها ، وبيجدد خلايا الدم بشكل كويس اوووي✔✔

8-النوع ده فعااال وكويس جدااااا مع الناس اللي نظام يومهم متلغبط ، اللي مش بيعرفو يصحو بدري او االي نظام شغلهم بيخليهم يسهر لوقت متاخر ، او اللي كل اكلهم بيبقي بلليل النظام ده بقي هينظم الحكايه معاها علي الاخر👌.......وده لان النظام زي ما قولت محكوم بسعراتك وبعدد ساعات اللي مسموح فيها الاكل وهي (8) ساعات ، انتا بقي براحتك امتي تبدء وقت الصيام ووقت الفطار ، المهم تلتزم بسعراتك وبتوزيعها صح✔✔✔

9-النوع ده من الدايت مفيد وفعال جداااا مع الناس اللي نظام يومهم متلغبط واالي طول اليوم برا البيت ومش بيعرفو يظبطو وقتهم ووقت وجبه الفطار ✔

-النظام مالهوش اضرار ...كل ما في الامر انك هتلاقي صعوبة في بدايته بس لحد ما الجسم يتعود علي النظام وبعد كده هتلاقي نفسك مش قادر تبص للاكل غير في وقتك 😉 وزي ما قولت تلتزم بسعراتك وتوزعها صح هتلاقي نتيجة وهم مع النظام 👌👌😍


▪️للإستعلام عن برنامج التدريب الأونلاين تواصل على رقم     (01091300610)