السموم البيضاء
🔞السموم البيضاء🔞
👈 [ملح و سكر و دقيق]
لا استني يالي انت عارف المعلومه و مش حتكمل قرائه البوست انا مش حقول ان دول سم و خطر و متجيش جمبهم اقراء البوست للاخر لان البيتقال ده مش سليم 💯*💯
🔴اول شيء احبك تعمله هو ان لما حد يقولك بلاش تاكل كذا حيجبلك تسمم
سواء كذا دي كانت حتي سم فران قوله الكميه الحتضري منها قد ايه انا بحب سم الفران و عاوز اخد الكميه المتضرنيش منه و اعرف الكميه المضركش و دوس ✔️
1️⃣ #الملح مين قال اقطع ملح انت مش داخل بطوله و في اخر اسبوع مثلا انت شخص عادي و مش بتجهز لبطوله قلل ملح بس امنع لاء .. تنصح منظمة الصحة العالمية بأن يستهلك البالغون أقل من 2000 ملي جرام من الصوديوم والذي يعادل 5 جرام من الملح يوميا (حسيب في اخر البوست النسب المتعدهاش من كل الفيتامينات و المعادن متقلقش)
اشتري الملح المعالج باليود والبيحتوي علي يوديد الصوديوم لان مش كل الشركات ولا كل البلاد بتوفر اليود في الملح و اليود مهم جدا جدا و نقصه بيعمل تضخم الغده الدرقيه
⛔ المصدر⛔
https://www.ncbi.nlm.nih.gov/pmc/articles/PMC3509517/
النقص في اليود = نقص في الذكاء
2️⃣ #السكر مش حرغي هنا كتير السكر الابيض اكيد مش شيء صحي تعتمد عليه في تحليه مشروباتك و لكل 10 جرام سكر ابيض حوالي 35 كالوري و 9.5 كارب
و الافضل طبعا تستبدله بسكر دايت حتي السكر البني مش حيفرق كتير عن السكر الابيض ولاكن لو اخذت كميه بسيطه من السكر الابيض تعدي عادي انت ممكن تخلي 15-20% من نظامك الغذائي غير صحي لو ده حيخليك تقدر تفضل مكمل علي الدايت و ده طبعا في اطار سعراتك المفروض تدخلها جسمك و باقي النظام بتاعك صحي و بمناسبه الناس البتقلق من السكر الدايت عشان بيجيب سرطان و الاسطوره الانتشرت عليه دي مش صح مفيش اي قلق منها
و مصرحه من منظمة الغذاء و الدواء الأمريكية FDA
⛔ المصدر
https://www.fda.gov/…/FoodAdditivesIngredients/ucm208580.htm
3️⃣#الدقيق_الابيض الدقيق الابيض ماشي يفضل تاخد كارب من حبوب كامله الدقيق الابيض مش حيفيدك اوي بس هو مش حيموتك ..!! و ادام مش حيموتك يبقي مينفعش نقول عليه من السموم البيضه
انا عن نفسي باكل خبز ابيض و حقولك ليه رغم ان الاسمر افيد بس ك كالوريز بتتحسب بالميزان فمثلا الرغيف الاسمر 80 جرام الكالوريز و الكارب الفيه قريبه جدا من 80 جرام خبز ابيض ... بس لو وزنت 80 جرام خبز اسمر حيطلع رغيف اما الخبز الابيض حيطلع رغيفين تقريبا ... ف انا مش حشبع ابدا برغيف واحد ابسليوتي :D
بس حشبع برغيفين يعني ممكن اخلي ال15-20% الخارج الاكل الصحي من العيش و باقي النظام كله صحي ده حيخليني اكمل في الدايت الماشي عليه و مش حمل و ده المطلوب .
🔴طيب انا باكل عيش ابيض و سكر و ملح بس لا ده انا بشرب بيبسي دايت و انا عارف ان جسمي مش حيمتص الكالسيوم فبعمل ده كل فتره بس البيبسي الدايت مفهوش كالوريز مش حيزودني وزن ولاكن مش صحي حيقلل امتصاص الكالسيوم في جسمي فمش حدمنه و يبقي بشكل يومي لا هنا الغلط
🔴باكل اي اكل اي بني ادم بياكله بس بحاول اطبخه بطريقه صحيه زي موضوع البطاطس المحمره الصحي مثلا لما كتبت عنه هنا ⬇⬇
وفر 2500 جنيه 💵
🔴موضوع بقي بلاش الاكله الفلانيه بتخن دي اسطوره مفيش اكله بتخن و اكله بتخسس في كالوريز قد ايه و كارب و بروتين و دهون قد ايه علي مدار اليوم .. مجموع الاكلته اعلي او اقل من حرق جسمك ده الحيزودك او ينقصك مش اكله بعينها يعني ✔️ و كنت اتكلمت عن الموضوع ده بتفصيل اكثر هنا ⬇⬇
الاكل البيخسس
🔴نرجع لموضوع ان ال ( .... ) حيجبلك تسمم و البين القوصين اي شيء مكتوب فتسئل الكميه بقي الحتجبلي تسمم قد ايه عشان متعديهاش ده حتي المياه كثرتها جدا حتجبلك تسمم المياه .. فبدل بقي ما تسئل ممكن تشوف الفيتامينات و المعادن كلها من اللينك ده و تعرف انت المفروض تدخل قد ايه حسب سنك و نوعك ذكر ام انثي و متعديش النسبه الجسمك محتاجها
https://www.consumerlab.com/RDAs/
🔴يعني مثلا الكالسيوم لو انت شاب فوق ال 18 سنه لمفروض تاخد 1000 ملي جرام و متعديش 2500 ملي جرام يوميا و هكذا ..
▪️للإستعلام عن برنامج التدريب الأونلاين تواصل على رقم (01091300610)
تعليقات
إرسال تعليق