المكملات
🔞 المكملات المهمه و قليله الاهميه🔞
🔴اول حاجه الناس بتهتم بيها هي البروتين و فاكرين انه بيطلع عضلات بكل بساطه يا جماعه الشخص الوزنه 100 كيلو محتاج 160 جرام بروتين لو اخدهم من الاكل كلهم او لو اخد 130 من الاكل و كمل احتياجه بسكوب فيه 30 جرام بروتين في الحالتين النتيجه واحده
هات مكمل البروتين لما متعرفش تكمل احتياج جسمك من البروتين من الاكل الطبيعي غير كده اهدار للمال و ملهوش لازمه تاخد بروتين باودر لو بتاخد احتياجك من البروتين من نظامك الغذائي !
.
🔴لو بقي مش بتجيب احتياجك من الاكل الطبيعي هات واي بروتين كونسنتريت ( مركز فيه نسبه كارب و دهون ) لو انت محتاج تدخل شويه دهون و كارب زياده عن نظامك الغذائي
او
🔴هات واي بروتين ايزوليت ( معزول ) اي معزول منه الكارب و الدهون و بيبقي فيه بروتين صافي او دهون قليله جدا و كارب قليل جدا من 1 الي 6 جرام كارب و الدهون جرام او 2
و بلاش الجي ده
🔴بلاش تجيب بروتين هيدرولايزد اللي هو اغلاهم اللي هو شبه مهضوم و سريع الامتصاص جدا
س/ ليه يا كوتش سرعه الامتصاص مهمه جدا بعد التمرين ؟
ج/ لا مفيش اي فرق هتحصل عليه لو اخذت بروتين سريع الامتصاص جدا دي
فسرعه الامتصاص لا تشكل فارق في الزياده العضليه و كان في دراستين في الموضوع ده دراسه علي لبن خالي الدسم و كامل الدسم بعد التمرين اي سريع الامتصاص و بطيء الامتصاص لان دهون كامل الدسم بتبطء الامتصاص و النتائج واحده بل الغريب ان في افضليه بسيطه علي لبن كامل الدسم بعد التمرين عن اللبن خالي الدسم !
.
و الدراسه الاخري اتعملت علي الهيدروليزد واي بورتين نفسه و لقو ان من سرعه المنتج ده انه بيدخل في الدم بسرعه و يخرج بسرعه فا مش بيفيد العضل اصلا من سرعه خروجه .
➖🔹➖🔹➖🔹➖🔹➖🔹➖🔹➖🔹➖🔹
باقي المكملات هكتب من حيث الاهميه
1) كرياتين لان انت عمرك فعلا ما هتعرف تجيب احتياجك من الكرياتين من الاكل الطبيعي يوميا و احتياجك بيبقي 3-5 جرام يوميا ... يعني كيلو لحمه يوميا فا صعب جدا تناول كيلو لحمه يوميا . فا برشح هذا المكمل
و بفضل يبقي كرياتين مونهيدريت اللي هو الخام و ارخصهم و الجرعه 3-5 جرام بعد التمرين يفضل بعصير لسهوله الامتصاص او بسكوب بروتين و للعلم مش شرط تعمل تحميل للكرياتين .
.
2) اوميجا ( لو بتاكل علبه سردين في اليوم ما تجبهاش لاكن علبه تونه هاتها )
▪️علبه سردين وزنها 90 جرام فيها 1400 ملي جرام اوميجا 3
▪️علبه تونه لايت فيها 200 ملي جرام اوميجا 3
انت بتحتاج من 1000 الي 1500 ملي جرام يوميا من الاكل او من مكمل و الارقام دي من مصدر حيواني و ما تعديش 3000 ملي جرام يوميا .. المصدر النباتي جسمك مش بيستفيد بيه او ممكن جسمك يحول جزء بسيط من مصدر نباتي الي مصدر حيواني و هو من صفر الي 9 % فقط
◾EPA = حمض دهني من مصدر حيواني
◾DHA = حمض دهني من مصدر حيواني
اما
◾ALA = حمض دهني من مصدر نباتي
فا لو هتشتري منتج اوميجا 3 هتنقي منتج مجموع المصدر الحيواني فيه عالي فمثلا لو المكمل فيه 700 ملي جرام من مصدر حيواني فا حبيتين في اليوم بمثابه علبه سردين 90 جرام اما لو هتجيب اوميجا 3 بلص المصري فمجموع ال ⬇
EPA+DHA=210
و باقي ال 1000 ملي جرام من مصدر نباتي
يعني 7 كبسولات من المنتج المصري هيوفرولك 1470 ملي جرام زي علبه سردين فا لك انت تختار الافضل لديك مع العلم ان علبه السردين هذه تسواي 10 جنيهات مصريه بها 1400 ملي جرام اوميجا 3 و ثلث احتياج جسمك من الحديد و ثلث احتياج جسمك من الكالسيوم ( الكالسيوم موجود في العظم الصغير من السردين ) فلا ترميه و سهل الاكل لا تقلق
و علبه السردين ايضا توفر لك كل احتياج جسمك من فيتامين b12 و يزيد .. و 63% من الفوسفور الجسمك محتاجه يوميا و 86% سيلينيوم من الجسمك محتاجه يوميا و به نسبه جيده من الاحماض الامينيه المتشعبه اللي اتكلمنا عنها كثير ان ملهاش اهميه بس وجب ذكرها ايضا اللي هي ⬇
BCAA
◾فعليك ان تختار الانسب لديك هل المكمل ام الاكل الطبيعي مقارنه بالسعر المدفوع من المكمل و الاكل الطبيعي .
.
3) مالتي فايتمن و لو بتاخد كل احتياجك من الفيتامينات و المعادن فكك منها طبعا
اقدر اقول انك لو بتاكل خضار بكميه كبيره و سلطه مش هتحتاجها اوي هي بتبقي حسبه حسب اكلك اليومي فالصح اوي في الموضوع ده بتشوف نظامك الغذائي بينقصه انهو فيتامين او انهو معدن و بتروح تشتري الفيتامين او المعدن البينقص نظامك الغذائي لو مش بتعرف تحسب كل الفيتامينات و المعادن بتجيب بقي مكمل مالتي فايتمن ساعتها.. البيبقي فيه نسبه من الجسمك محتاجه لانه لما بيصنعلك مكمل المالتي فايتمن بيبقي معتمد انك لسه بتاكل بردو فا ميقدرش يحط كل احتياجك من الفيتاميناات و كل المعادن في المكمل .
4) سيترولين ماليت .. من المكملات المهمه ايضا و هبقي اعمل بوست منفصل اشرحه بالتفصيل بس سريعا كده حمض الماليك اسيد و حمض السيترولين وجودهم مع بعض بيزود فاعليه الجسم لانتاج الطاقه و بالتالي يمد العضلات و اعضاء الجسم المختلفه بالاكسوجين و المغذيات .
و الجرعه من 6 الي 8 جرام قبل التمرين بساعه و تناول هذا المنتج غير اساسي بس هو هيحسن جدا من كفائتك اثناء تمرين الحديد و هيقلل الشعور بالام بنسبه 80% فالدراسه دي كانت علي تمرين
flat barbell bench presses
و كانت الجرعه 8 جرام قبل التمرين و هذا المكمل زود عدد التكرارات للعب حتي الفشل بنسبه 52.92%
فالمكمل ده هيساعد جدا في زياده شده التمرين.
مشكلته انه مع البعض ممكن يؤدي الا اضطربات في المعده .. و لو حد بياخد ادويه لخفض الدم بلاش من المكمل ده .
5) بروتين باودر لو مش بتاكل بروتين كويس فلكل كيلو من وزنك الكلي خد قصاده 1.6 جرام بروتين عملت كده و جبت احتياجك الكلي من البروتين يبقي المكمل مش هيضيفلك جديد فلو انت 100 كيلو محتاج 160 جرام بروتين من الاكل + المكمل او من الاكل فقط اللي تفضله انت .
.
6) لو انت متخصص و بتحسب الاحماض الامينيه الجسمك محتاجها هتلاقي ان الاحماض دي مش متوفره بكثره في الاكل الطبيعي فممكن تجيبهم من مكمل
البيتا الانين
التورين
التريبتوفان
الميلاتونين
.
❎❌اي جينر بقي او جلوتامين او bcaa او كرانتين او cla رمي فلوس علي الارض
حوارق دهون مش بفضلها بردو تقدر تخس رقم محترم جدا بدونها ممكن اوي توصل الي 9% دهون في اخر فتره من التنشيف ممكن بقي تفكر هنا تبداء تاخدها
.
اما بالنسبه لاشتري من انهو شركه او تقيم الشركه أ كويس ولا الشركه ب فالموقع ده فيه تقيمات افضل شركات و ده البنصح بيه الناس المشتركه معايه في الاون لاين ترينينج يشوفو تقيم المنتج قبل ما يشتروه
و ده تقيمه افضل من بدي بلدنج دوت كوم لان بديبلدنج اشخاص عاديه البتقيم واحد اشتري منتج و التزم بدايت و بيروح جيم و عمل نتيجه كويسه يفتكر ان المنتج السبب و يروح يقيم تقيم جيد !
اما لابادور بياخد المننتج و يحلله في معامل و يديك المفيد اذا كان فعلا منتج قوي ولا تعبان !
https://labdoor.com/
ملحوظه : مش هي دي بس المكملات المهمه كل شخص غير الثاني في حجات تهم ناس معينه و ما تهمش الباقي زي مثلا حبوب الشاي الاخضر البتبقي فعاله جدا في زياده معدل الحرق و الدراسه دي بتاكد ان الاستمرار علي الشاي الاخضر مع التمرين بتعلي معدل الحرق الدهون ب 17% زياده عن لو ما تناولتش حبوب الشاي الاخضر..
انا كتبت اغلب المكملات البتنفع اغلب الناس .
▪️للإستعلام عن برنامج التدريب الأونلاين تواصل على رقم (01091300610)
تعليقات
إرسال تعليق