عدات كتير ولا قليل ؟!

-
🔰العب عدات كتير ولا قليل ؟!
..............
⬅اكتر سؤال الواحد بيتساله ... العب ايه في التنشيف و العب ايه في التضخيم ?!!
🔰اولا / اساس التنشيف و التضخيم هو النظام الغذائي.
هتقلل كارب و تظبط الاكل  و تقلل سعرات.. هتخس
هتزود كارب و تزود سعراتك .. هتزيد
🔰ثانيا / اعتقاد ان اوزان خفيفه مع عدات كتيره في التنشيف بس بيرجع لعامل مهم ان بعض اللعيب بيكون مقلل ( كارب ) جامد فمفيش طاقه كافيه لرفع الاوزان التقيله ... فبيختار يلعب بالوزن الخفيف /عدات كتيره  .. و ده ليه سبب علمي 👇👇
..........
🔴في دراسه علميه / عملت مقارنه بين
مجموعه بتلعب :
⬅اوزان تقيله و عدات قليله  (  من 8 الى 12 عدات )
و مجموعه بتلعب :
⬅اوزان خفيفه و عدات كتيره ( من 25 الى 35 عده ! )
........
☡النتيجه ☡
المجموعتين الاتنين اكتسبوا نفس ( الحجم العضلي ) !! و عضلاتهم كبرت بنفس المقدار
لكن
المجموعه اللى بتدرب بعدات قليله اكتسبت  (قوة عضليه ) اكبر ..
🛇التحليل 🛇
القصه راجعه ان فيه انواع من الالياف العضليه Muscle Fibers  مختلفه Fast & Slow  .. كل عدد معين من العدات بيستهدف الياف عضليه مختلفه Fibers Type I , II
لكن العبره في الاخر ان الحجم العضلي Size المكتسب واحد لكن القوة العضليه Muscle Strength  مهمه جدا لرفع اوزان اكبر
🔴لازم ندمج بين الانواع المختلفه من العدات في تمرينك عشان تسكب الفايدتين .
⬅مثال ☡☡
العب بنش مايل بالبار Incline Bench باوزان تقيله ..
 3 مجاميع في 8 الى 12 عده .. وفترات الراحه 2 الى 2ونص دقيقه .
و العب التفتيح دامبل باوزان خفيفه ... 3 مجاميع في 25 الى 35 عده ... وفترات راحه 30 الى 60 ثانيه
بكده دمجت بين ال Endurance and Hypertrophy
يعني دمجت بين قوة التحمل و الضخامه العضليه
وكمل تمرينه صدرك عادي جدا
كمان تقدر تطبقها على ال Biceps, Triceps ...
المره الجايه هنزلكم ...جدول كامل للطريقتين ..

▪️للإستعلام عن برنامج التدريب الأونلاين تواصل على رقم     (01091300610)


تعليقات

إرسال تعليق

المشاركات الشائعة من هذه المدونة

جدول تدريب Push Pull Leg بالعربي

-
◀ ينفع للمستوى المتوسط فيما فوق ◀مدة التمرين 6 ايام اسبوعيا ◀وقت التمرين من 45-60 دقيقة عبارة عن انك بتمرن عضلات السحب ف يوم وعضلات الدفع فيوم والرجل فيوم وتكرر وده بيخليك تمرن عضلاتك مرتين اسبوعيا ◀هتاخد اول 3 ايام وراحه وتكمل ال 3 ايام التانيين 🚫Push A 🚫 اليوم الاول دفع عالي بالبار بنش 3x8 incline barbell bench press دفع فلات بالدامبل بنش 3x12 flat dumbell bench press دفع بنش بالدامبل مائل لاسفل 3x12 decline dumbell bench press كتف امامي بالبار واقف 3x12 shoulder military press دامبل تجميع كتف 2x15 Shoulder dumbell press دامبل تراي خلف الرأس (فرنساوي)3x15 triceps dumbell extinsion 🚫Pull A🚫اليوم الثاني سحب امامي واسع 3x8 lat pulldown wide grip دامبل منشار 3x12 Dumbell one arm row ترباس بالبار 3x12 barbell shrugs سحب مجنص بالحبل جهاز الكابل 2x15 standing cable lat pulldown rope تبادل باي دامبل 3x15 biceps dumbell curls 🚫Leg A🚫 اليوم الثالت قطنية ديد ليفت 3x6 deadlift سكوات امامي بالبار 3x12 front squats رجل امامي جهاز 3x15 Leg extinsion جهاز رجل خلفي 3x1...
قراءة المزيد

INBODY

-
⚫هنتكلم عن INBODY طبعا اي حد بيروح جيم او بيفكر يبدأ سواء متابعه اونلاين او متابعه برايفت بيتطلب منه Inbody و معظم الناس مش بتكون فاهمه الكلام الكتير اللي ف الانبودي . 1_ Weight : الوزن. 🔹 و دا وزنك الكلي بالكجم و بيكون فيه تصنيف Under,Normal,Over يعني تحت المعدل او الوزن الطبيعي و طبيعي و فوق العادي اوفر يعني . 2_Muscle Mass : وزن العضلات. 🔹و دا وزن العضلات ف جسمك بالكجم و ف بعض التقارير بتاعت الانبودي بيكون اسمه Skeletal Muscle Mass و دا بيكون مجموع عضلات جسمك فقط من غير القلب و بقية العضلات الداخليه بالجسم. 3_ Body Fat Mass : 🔹و دا بيكون وزن الدهون ف جسمك بالكجم . ايوا ايوا هو متتصدمش ي وحش 😎😎 4_ Total body water : TBW: 🔹و دا بيكون وزن المياه ف جسمك و معروف ان 70% من وزننا مياه . 5_Protein : 🔹من اسمه كمية البروتين اللي موجوده ف خلايا جسمك و بيكون طبيعي ف نسبة 15% 6_Fat Free Mass : FFM 🔹و دا بيكون وزن الكتله اللادهنيه يعني وزن جسمك من غير دهون ي بطل و بيسمي LBM . 7_Minerals. or Total Body Mineral .TBM 🔹و دي بتكون قيمة المعادن ف جسمك و بتدل ع ان صح...
قراءة المزيد

الالياف العضلية

-
👈  لازم تعرف كل عضلة مكونة من ايه عشان تختار نوع التدريب اللى هيجيب نتيجة افضل معاها 💪 - كتير مننا واخد قاعدة ان العدات تبقى من 8-12 عدة وبيعمم القاعدة دى ع كل عضلات جسمه , وده كلام مش صحيح 100% ..  عضلات جسمك مختلفة ف تركيبها الداخلى ولذلك لازم كل جزء يبقى ليه نظام تدريب مستقل بذاته ف اشكال التمارين وعدد المجموعات والتكرارات . ⭕ طيب تمام كدا احنا عرفنا الغلط اللى كنا بنقع فيه عشان نبتدى نعرف الصح لازم يكون لينا قواعد هنمشى عليها القواعد دى هتبقى عبارة عن ان احنا نعرف انواع الالياف العضلية المكونة للعضلات في الجسم البشرى ✳ اول نوع عندنا من الالياف العضلية اسمه ⬇ "TYPE I " : النوع دا عايزين نعرف عنه كام لقطة كدا 1- عشان ينقبض ويشتغل بياخد وقت طويل نسبيا 2- مقاوم للاجهاد يعنى زى واحد نومه تقيل اوووى لكن لما بيصحى ويفوق ممكن يفضل سهران ومطبق لفترة طويلة من غير اما يتعب 3- تقدر تستخدم النوع دا من الالياف لمدة تقدر بالساعات بدون حدوث اجهاد عضلى افضل مثال ع كدا العدائيين بتوع المارثونات بتلاقيهم بيجرو مسافات كبيررررة جدا من غير توقف ومن غير تعب 4- حجم الالياف ...
قراءة المزيد