مصادر الطاقه خلال الصيام

-


             🔞مصادر الطاقه خلال الصيام 🔞

المقال ده كنت كاتبه عن صيام رمضان و هو هيفيد الناس اللي بتصوم دلوقتي اثنين و خميس او الناس اللي ماشيه بنظام الصيام المتقطع .

🔴 الناس المبتتسحرش او بيتسحرو بدري هيفرق معاهم اوي البوست ده خصوصا الناس البتتمرن قبل الفطار و حتي البيتمرون بعد الفطار مهم جدا ناخر السحور مهم جدا يبقي الصيام في حدود ال 16 ساعه مش وقت اكبر الا المجبر طبعا و في بلده وقت الصيام بيبقي كبير و هنا بنصحه ما يلعبش و هو صايم ..

🔴 في البوست ده هوضحلكم مصادر الطاقه اثناء الصيام بتبقي ازاي ..
يعني اي حركه بتحصل سواء تدريب او حركه عاديه بيبقي في مصدر طاقه الجسم من خلاله بيتحرك
دي مصادر الطاقه اثناء الصيام و ديما مصدر الطاقه بيتغير مش بيبقي شيء واحد بس
فهنقسم مصادر الطاقه الي 3 مصادر
مصدر طاقه 🔵اساسي و مصدر طاقه ⚫️ثانوي و مصدر طاقه ❎الجسم صعب يستخدمه
➖🔹➖🔹➖🔹➖🔹➖🔹➖🔹➖🔹➖🔹➖
اولا اول 8 ساعات من الصيام
🔵 مصدر طاقه اساسي ⬇
ديما في الفتره دي بيبقي الكاربوهيدريت او مراحل هضمه يعني جلوكوز او جيلايكوجين

⚫️ مصدر طاقه ثانوي ⬇
الدهون

❎ مصدر طاقه غير مستخدم ⬇
البروتين او لو الجسم ملقاش بروتين بيكسر في العضلات و ياخد من الاحماض الامينيه الفي العضله لانتاج طاقه و في اول 8 ساعات صيام بيبقي مصدر غير مستخدم .
➖🔹➖🔹➖🔹➖🔹➖🔹➖🔹➖🔹➖🔹➖
ثانيا من 12 الي 16 ساعة صيام
🔵 مصدر طاقه اساسي ⬇
الدهون .. و هنا فرصه كبيره للناس العاوزه تخس تلعب في الوقت ده ولاكن ميزه و عيب الميزه ان مصدر الطاقه بيبقي الدهون العيب ان العضله زي ما بتحتاج اوكسجين هي بتحتاج مياه برضه خصوصا الناس اللي ممكن تلاقي شد عضلي ساعتها وقف تمرين قبل الفطار علطول و مش اي حد ممكن يلعب بعد وقت صيام كبير فا دي مش هتبقي فعاله للكل
⛔يعني التمرين قبل الفطار مبيخسركش عضل بس بشروط⛔
1️⃣ لازم وقت النوم يبقي كافي من 7 الي 9 ساعات
2️⃣ او للشغله او يومه في الصيام شاق و بيفقد مياه بكميه كبيره او تحت درجه حراره كبيره
3️⃣ او للناس الاوزنها في الحديد بتقل هنا يعني بتقول للعضله خسي شرط اساسي الاوزان متقلش  سواء التمرين قبل او بعد الفطار
4️⃣ الناس البتعتمد في تمرينها علي منتجات البري ورك اوت فاوزنها هتقل طبعا بدون المكمل فبنصحه بلاش يتمرن و هو صايم عشان هيبقي محققش رقم 3
5⃣ لو بتبقي مرهق جدا قبل الفطار مينفعش تتمرن و انت مرهق كده يفضل تتمرن بعد الفطار
6⃣ لو بتصوم وقت طويل اكثر من 16 ساعه مبنصحش الناس الفي بلدهم وقت الصيام عندهم طويل انهم يتمرنو قبل الفطار لان كده هيبقي دخل في مرحله مصدر الطاقه الاساسي البروتين او العضل .

⚫️ مصدر طاقه ثانوي ⬇
الكارب او مراحل هضم الكارب يعني جلوكوز و جيلايكوجين و هو ثانوي لان الجيلايكوجين بيبقي منسوبه قل في الجسم لان شغال مصدر طاقه اساسي طول اول 8 ساعات صيام

❎ مصدر طاقه غير مستخدم⬇
البروتين او العضلات .. و عشان كده بنقدر نتمرن عادي في اخر ساعه في الصيام بشرط تبقي الساعه رقم 15 الي 16 مش تبقي صايم 18-19 ساعه و تتمرن لا مينفعش .. و يبقي اول وجبه بعد التمرين فورا فيها نصف احتياج الجسم من سعرات اللي هتاكلها علي مدار الفطار و متقلقش من موضوع الجسم مش هيمتص كل الاكل لا هيمتصه عادي لان حساسيه الامتصاص بتبقي في اعلي حالتها لان هرمون الانسولين بيبقي واطي جدا و هناك علاقه عكسيه بين هرمون الانسولين و حساسيه الجسم للامتصاص .
➖🔹➖🔹➖🔹➖🔹➖🔹➖🔹➖🔹➖🔹➖
ثالثا بعد 16 ساعه صيام
بعد 16 ساعه من الصيام بيكون الكارب (الجلوكوز - الجيلايكوجين) قل جدا في الجسم فصعب جدا يبقي مصدر طاقه ... و الدهون كانت مصدر طاقه اساسي وقت 12 الي 16 ساعه فبيتحول الي مصدر طاقه ثانوي مش اساسي للاسف فبعد 16 ساعه صيام بتبقي مصادر الطاقه كالتي :

🔵 مصدر طاقه اساسي ⬇
بروتين او عضلات .. الجسم بيروح للعضله يكسر في الاحماض الامينيه و ينتج طاقه

⚫️مصدر طاقه ثانوي ⬇
دهون .. ديما الدهون مصدر طاقه اثناء الصيام اما مصدر اساسي او ثانوي

❎ مصدر طاقه غير مستخدم ⬇
كارب (جلوكوز- جيلايكوجين) لان منسوب الجيلايكوجين بيكون قل جدا علي مدار ال 16 ساعه صيام
➖➖➖➖➖➖➖➖
عشان كده بيبقي مهم الصيام ميزدش عن 16 ساعه علي قد ما تقدر اخر سحورك .


▪️للإستعلام عن برنامج التدريب الأونلاين تواصل على رقم     (01091300610)

تعليقات

إرسال تعليق

المشاركات الشائعة من هذه المدونة

جدول تدريب Push Pull Leg بالعربي

-
◀ ينفع للمستوى المتوسط فيما فوق ◀مدة التمرين 6 ايام اسبوعيا ◀وقت التمرين من 45-60 دقيقة عبارة عن انك بتمرن عضلات السحب ف يوم وعضلات الدفع فيوم والرجل فيوم وتكرر وده بيخليك تمرن عضلاتك مرتين اسبوعيا ◀هتاخد اول 3 ايام وراحه وتكمل ال 3 ايام التانيين 🚫Push A 🚫 اليوم الاول دفع عالي بالبار بنش 3x8 incline barbell bench press دفع فلات بالدامبل بنش 3x12 flat dumbell bench press دفع بنش بالدامبل مائل لاسفل 3x12 decline dumbell bench press كتف امامي بالبار واقف 3x12 shoulder military press دامبل تجميع كتف 2x15 Shoulder dumbell press دامبل تراي خلف الرأس (فرنساوي)3x15 triceps dumbell extinsion 🚫Pull A🚫اليوم الثاني سحب امامي واسع 3x8 lat pulldown wide grip دامبل منشار 3x12 Dumbell one arm row ترباس بالبار 3x12 barbell shrugs سحب مجنص بالحبل جهاز الكابل 2x15 standing cable lat pulldown rope تبادل باي دامبل 3x15 biceps dumbell curls 🚫Leg A🚫 اليوم الثالت قطنية ديد ليفت 3x6 deadlift سكوات امامي بالبار 3x12 front squats رجل امامي جهاز 3x15 Leg extinsion جهاز رجل خلفي 3x1...
قراءة المزيد

INBODY

-
⚫هنتكلم عن INBODY طبعا اي حد بيروح جيم او بيفكر يبدأ سواء متابعه اونلاين او متابعه برايفت بيتطلب منه Inbody و معظم الناس مش بتكون فاهمه الكلام الكتير اللي ف الانبودي . 1_ Weight : الوزن. 🔹 و دا وزنك الكلي بالكجم و بيكون فيه تصنيف Under,Normal,Over يعني تحت المعدل او الوزن الطبيعي و طبيعي و فوق العادي اوفر يعني . 2_Muscle Mass : وزن العضلات. 🔹و دا وزن العضلات ف جسمك بالكجم و ف بعض التقارير بتاعت الانبودي بيكون اسمه Skeletal Muscle Mass و دا بيكون مجموع عضلات جسمك فقط من غير القلب و بقية العضلات الداخليه بالجسم. 3_ Body Fat Mass : 🔹و دا بيكون وزن الدهون ف جسمك بالكجم . ايوا ايوا هو متتصدمش ي وحش 😎😎 4_ Total body water : TBW: 🔹و دا بيكون وزن المياه ف جسمك و معروف ان 70% من وزننا مياه . 5_Protein : 🔹من اسمه كمية البروتين اللي موجوده ف خلايا جسمك و بيكون طبيعي ف نسبة 15% 6_Fat Free Mass : FFM 🔹و دا بيكون وزن الكتله اللادهنيه يعني وزن جسمك من غير دهون ي بطل و بيسمي LBM . 7_Minerals. or Total Body Mineral .TBM 🔹و دي بتكون قيمة المعادن ف جسمك و بتدل ع ان صح...
قراءة المزيد

الالياف العضلية

-
👈  لازم تعرف كل عضلة مكونة من ايه عشان تختار نوع التدريب اللى هيجيب نتيجة افضل معاها 💪 - كتير مننا واخد قاعدة ان العدات تبقى من 8-12 عدة وبيعمم القاعدة دى ع كل عضلات جسمه , وده كلام مش صحيح 100% ..  عضلات جسمك مختلفة ف تركيبها الداخلى ولذلك لازم كل جزء يبقى ليه نظام تدريب مستقل بذاته ف اشكال التمارين وعدد المجموعات والتكرارات . ⭕ طيب تمام كدا احنا عرفنا الغلط اللى كنا بنقع فيه عشان نبتدى نعرف الصح لازم يكون لينا قواعد هنمشى عليها القواعد دى هتبقى عبارة عن ان احنا نعرف انواع الالياف العضلية المكونة للعضلات في الجسم البشرى ✳ اول نوع عندنا من الالياف العضلية اسمه ⬇ "TYPE I " : النوع دا عايزين نعرف عنه كام لقطة كدا 1- عشان ينقبض ويشتغل بياخد وقت طويل نسبيا 2- مقاوم للاجهاد يعنى زى واحد نومه تقيل اوووى لكن لما بيصحى ويفوق ممكن يفضل سهران ومطبق لفترة طويلة من غير اما يتعب 3- تقدر تستخدم النوع دا من الالياف لمدة تقدر بالساعات بدون حدوث اجهاد عضلى افضل مثال ع كدا العدائيين بتوع المارثونات بتلاقيهم بيجرو مسافات كبيررررة جدا من غير توقف ومن غير تعب 4- حجم الالياف ...
قراءة المزيد