القصب
🔞القصب🔞
🔘حضرتك خلصت تمرينتك وروحت تشتكى للكابتن
انك مش بتزيد مع انك ماشى ع الخطة الجهنمية بتاعته وملتزم بيها بالحرف وانك بتفكر انك تاخد مكملات
🔘وعشان الكابتن راجل جدع وابن بلد وخايف على فلوسك قام قايلك بص يابنى انا هعمل فيك جميل بس متعرفش حد عشان سر المهنة .
🔆انت هتخلص التمرينة من هنا وتطلع ع العصارة اللى ع الناصية تشرب كوباية عصير قصب كبيرة ولا اجدعها اسكوب بروتين
🔰اصل القصب دا يابنى بروتين الغلابة .
🔽النهاردة احنا هنتكلم ع اسطورة عصير القصب بعد التمرين وهل فعلا ليه فايدة فى تصنيع البروتين داخل العضلات ولا كان بيتضحك علينا من كابتن حمادة وصاحب العصارة
⏺️تعالى الاول نشوف ال100 جرام من القصب سعراتهم قد ايه
- 100 جرام قصب تحتوى على
1- 269 كالورى
2- 73 جرام سكر* مرضى السكر لازم ياخدو احتياطهم .
3- صفر بروتين * يعنى الكابتن بيصيع عليك يا وحش .
⏬طب هو ايه اللى بيحصل ف الجسم لما نشرب عصير قصب او اى حاجة مسكرة عموما ؟؟
🔰عصير القصب هيعلى نسبة الجلوكوز ف الدم وبالتالى الانسولين هيعلى .
🔽من هنا بقى تعالى اخدك ونتعرف شوية مين الانسولين دا وشغلانته ايه ف الجسم وهل هو حلو ولا وحش ف تصنيع البروتين ؟
⚜️الانسولين دا هرمون عامل زى ابوك كدا ف البيت ساعة اما يلاقي صوتك على ع امك يقوم مسكعلك جوزين اقلام ويقولك خش اوضتك ذاكر يلا .
🔆على نفس النمط الانسولين كل اما يلاقى مستوى الجلوكوز على ف الدم يقوم شغال عشان يدخله للخلايا ويقلل مستواه ف الدم .
📛لحد كدا تمام . بس عايزك تعرف ان دى حاجة حلوة وحاجة وحشة ف نفس الوقت
ازاى ؟؟
⏺️الانسولين لما بيخزن الجلوكوز ف الخلايا بيخزنه فى حاجه من تلاته⏺️
1 – فى العضلات على هيئة جلايكوجين
2- ف الكبد على هيئة جلايكوجين برده
3- يا اما بيتخزن على هيئة دهون وبيتوزع فى انحاء الجسم المختلفة . وهى دى المشكلة لانه مش بس بيخزن الجلوكوز ويحوله لدهون لا دا كمان بيمنع استخدام الجسم للدهون كمصدر للطاقة عشان كدا بتلاقى الناس اللى بتنشف دايما بتقلل السكريات والكارب على قد ما تقدر .
⏸️لحد حالا لسه مجاوبناش على سؤال هل للانسولين دور فى تصنيع البروتين داخل الخلايا العضلية ؟
♻️ فى الحقيقة احنا مش هنقدر نجاوب ع السؤال دا اجابة قاطعة لان الدراسات والتجارب اللى اتعملت اصلا مختلفة فى نتائجها , شوية يقولو ااه ليه دور فى تصنيع البروتين وشوية تانين يقولو لأا ملوش دور.
🔰ف احنا هناخد اول رأى واقولك الادلة بتاعتهم على كدا ايه .
⭕ الدراسات اللى شافت ان الانسولين ليه دور فى تصنيع البروتين استندت الى انه بيحفز الخلايا انها تخلى الحاجات اللى بتصنع البروتين تشتغل اكتر
- او انه بيزود الامداد الدموى للعضلة والخلايا وبالتالى المواد الغذائية والهرمونات الاخرى هتقدر انها توصل للخلايا وتزود تصنيع البروتين .
🔽لحد هنا الكلام حلو اووى
🔆ماااشى تابع معايا بس ⏪
🔰حضرتك لما روحت البيت بعد اما شربت عصير القصب
ضربت تونة
تونة يعنى بروتين يعنى احماض امينية ... وهنا المشكلة بقى يا وحش ...
☢️وجود الانسولين مع الاحماض الامينية الدراسات قالت ان هو ملوش اى تأثير فى تصنيع البروتين وان الاحماض الامينية هى اللى بتقوم بالدور دا افضل
⬅️والدليل على كدا فى دراسة اتعملت جابو شوية بنى ادمين كدا
وقسموهم 4 مجموعات
🔽واعطوا لكل مجموعة جرعات عالية من الاحماض الامينية وجرعات مختلفة من الانسولين تتراوح مابين جرعات قليلة جدا – عالية جدا
🔰 والنتيجة ان هما لقوا ان معدلات تصنيع البروتين زى بعضها فى الاربع مجموعات
🔆 يعنى الانسولين لم يؤثر على تصنيع البروتين عند وجوده بالاضافى الى الاحماض الامينية .
❌طب وليه الرخامة دى يعنى ما كانو يدوهم انسولين من غير احماض امينية وخلاص ...
❇️عندك حق فعلا ودا اللى حصل فى دراسات تانيه
✔️كانت جرعات الانسولين بتعطى بدون احماض امينية
❎بس قابلتهم مشكلة بوظت عليهم التجربة وهى ان الانسولين اصلا لما بيعلى بيقلل الاحماض الامينية ف الدم
⏪معنى كدا انها هتتنقل من الدم للخلايا وهتحفز الخلايا على تصنيع البروتين يعنى كدا برده مقدرناش نحدد دور الانسولين بمفرده .
🔽الحالة الوحيدة اللى لقوا ان الانسولين ليه دور فى تصنيع البروتين هى انهم حقنوا الانسولين مباشرة فى العضلات عشان يدى تأثير موضعى ع العضلة وملوش دعوة ببقية الجسم
🔰وكانت جرعات الانسولين عالية جدا "supraphysiological dose" لدرجه ان البنكرياس توقف عن تصنيع الانسولين وطبعا دى مخاطرة كبيرة وصعب اصلا انك توصل للجرعات دى فى العادى
🔚فى النهاية اقدر اقولك انك افيدلك توفر فلوس القصب وتكمل عليها وتجيب بيها تونة بعد التمرين .
متزعلش يا عم فلوسك مرحتش ع الارض .
🔼لكربوهيدرات او السكريات بتسبب ارتفاع معدل الانسولين
🔽 ودا هيسبب تخزين الجلايكوجين فى العضلات
🔽 بس برده عايزك تعرف ان التمرين المتوسط 6-9 مجموعات دا بيستنفذ 36-39%
من مخزون الجلايكوجين
🔼يعنى انت كدا كدا ف الامان حتى لو مكلتش كارب بعد التمرين مباشرة .
▪️للإستعلام عن برنامج التدريب الأونلاين تواصل على رقم (01091300610)
تعليقات
إرسال تعليق