المنشطات
🔞كلام مفيد طويل هيفيدك جدا صبر نفسك و اديله ٥ دقايق هيفرق معاك او لعل و عسي تنقذ واحد صاحبك من الضرر .
مبدأيا المقال ده لا هو تشجيع علي تعاطي المنشطات و لا هو توضيح للطرق السليمه للاستخدام
انما اسقاط الضوء علي جزء بسيط من اساليب تنظيم الكورسات في مصر ( الا من رحم ربي ) و توضيح مدي العشوائيه و عدم ادراك مدي خطوره التلاعب بارواح و باحلام و طموح الشباب
فبدل ما ااقولك ابعد عن المنشطات لان الموضوع عشوائي و كارثي
افهم انت بنفسك و متسلمش اغلي ما تملك ( عمرك و صحتك ) لجاهل يدمرك
اتهموني بالتضليل لمجرد ان وضحت عدم جدوي مكمل وقلت للشباب تاكل و تتمرن
تعالوا شوفوا هما بيعملوا ايه في الشباب
مبدأيا
١-الاستنازول
٢-والماسترون
٣-والانافار
٤- والبريموبلان
٥-والبروفيرون
كلها مواد بنسمع عنها و مرتبطه في اذهان اغلبنا انها للتنشيف و لحرق الدهون
انما الحقيقه انها
كلهم مشتقات من الdht وكلهم مشتركين في مجموعه من الخصائص
الي جانب بعض الخصائص الاضافيه لكل نوع اضافه للمشترك بينهم
مشتقات الdht بتسرع الصلع وبتقلل الكوليسترول الجيد وبتزود الكوليسترول الضار "تأثير سلبي علي الكوليسترول" ولها كمان تأثير سلبي علي البروستاتا عشان كده لا يفضل استخدامها طوال السيكل انما في اخر ايام قبل البطولة .. ومينفعش نجمع بينهم و حط تحت دي مليون خط
مفيش اي سترويد سواء مشتق من dht او اي نوع اخر بيزود حرق الدهون "ممكن الترن لانه بيزود حرارة الجسم"
بينصح باستخدام مشتقات الdht مع الجرعات العالية من المنشطات و حط تحت دي مليون خط
لان من خصائصها المشتركه انها بتفك روابط الshbg وبتخلي الجسم يستفيد من كل الاسترويد اللي بيدخله
يعني بالبلدي بتزود كفاءه الكورس لان مش كل اللي بتاخده بيفيدك في جزء بيعمل روابط في الجسم فدور المواد دي انها تفكك الروابط دي فعشان كده بتحس بفرق باستخدامها مع التست كنيتجه في المجمل و علي مستوي التنشيف في نزول الميه يعني لواحدها مش هتفيدك و لا تحرق دهون
مشتقات ال dht بتتسمي non anabolic steroids لانها مش بتبني عضلات ومينفعش تعتمد عليها في سيكل لوحدها .. هم بيحسنوا من نتائج الهرمونات الاخري
مشتقات الdht ملهاش اي نشاط استروجيني "مش بتتحول لاستروجين" بالعكس بعضها بيكافح الاستروجين .. وده مش معناه انك تستخدمها مكان مضادات الارمطة في السيكل زي الاراميدكس او الفيمارا
لو انت بتعمل سايكل و حد ضافلك اكتر من منتج DHT مع بعض في نفس الكورس
اعرف انه حقيقي مش مدرك بيعمل فيك ايه
لان مفيش ميزه اضافيه
غير ان الاعراض الجانبيه اللي ذكرناها فوق هتزيد خصوصا الكوليستيرول
في بعض الحالات من الجرعات العاليه من الترين و التست فوق ال ٣٥٠٠ تست
ناس بتستخدم نوعين dht
انما تلاقي واحد عامل كورس فيه انافار و استنازول و بياخد بروفيرون و ماستيرون و بيرمو و تست تحت ال ١٠٠٠ مثلا ليه يبني كل ده مفيش اي ميزه غير زياده في الاعراض الجانبيه .....انت بتنتحر يبني بلا مقابل
هو كفايه نوع واحد dht
حاجه برضه مهمه
لو لقيت ماده من دول في الكورس بتاعك و المدرب مطلبش منك تحليل كوليستيرول اعرف انه ممكن يموتك
لان الكوليسترول مافيهوش هزار وممكن مرة واحدة تقع تموت
طيب تخيل اللبخ ده في بند واحد من الكورس اللي هو ال dht
يا تري بقي هو ظابطلك نسب التست مع الترين
يا تري بيديك مضادات للبرولاكتين و الاستروچين لو بتاخد ترين او ديكا مع التست
يا تري بيشغلك HCG
لو مشغلك انسولين شاغل باله بالبوتاسيوم اللي بينزل
بعد الكورس هيعملك ايه ال pct هيمشيه اذاي .....
يا تري يا تري يا تري .....مش هنخلص فعلا من كتر الاخطاء اللي فعلا دمرت شباب قدامي كتير اقسم بالله انا الانبوكس عندي ناس بتصرخ و بتدور علي حلول لان اجسامها اتدمرت
فالقصد ابعد عن اللبخ ده الموضوع عشوائي و مش كل الاجسام بتستحمل في ناس بتضر جدااا و مش كل الناس اللي بتشوفها فورمه صحتها كويسه حقيقي في ناس كتير عندهم عضلات بس انت صحتك احسن منهم العبها لنفسك
و متخليش الطمع و هوس العضلات يسيطر عليك وراعي ان البطل اللي انت مبهور بيه ده اكل عيشه
انما انت مفيش داعي تخاطر .
▪️للإستعلام عن برنامج التدريب الأونلاين تواصل على رقم (01091300610)
تعليقات
إرسال تعليق