تسمم الزئبق 🏆
هو لو اكلت سمك ايا كان نوعه سواء بلطي بوري تونه سلمون سردين الخ هل ممكن يجيلي تسمم الزئبق بسبب زياده الاسماك دي و هل كل الاسماك فيها زئبق و ما هو المقدار الامن و هل بيفرق حسب وزني ؟
🔴 اغلب اللاعبين ياكلون يوميا تونه و غيره و لان الزئبق من المعادن الثقيله و يصعب علي الجسم التخلص منه فهو يحتل المركز الثاث في خطوره السميه به بعد الزرنيخ و الرصاص .
اولا هل كل انواع الاسماك فيها زئبق و جيه ازاي اصلا باختصار بدون ما اطيل علي حضراتكم المصانع اللي بتحيط بالمحيطات و البحار من تفاعلات حرق الفحم و التلوث الناتج من هذه المصانع و مع نزول الامطار تتلوث المياه و بالتالي الاسماك بالزئبق المثيلي و السمك الكبير ياكل السمك الصغير فكلما كبر حجم السمكه كلما تلوثت بالزئبق اكثر و ايضا كلما طال عمر السمكه .. فاسماك القرش تكون اكثر سميه من الاسماك الصغيره مثل السردين و السلمون و الجمبري و الجاندوفلي الخ .. فالاسماك الصغيره تكون اكثر افاده لك
ثانيا انت مش ممنوع تاكل سمك و الكلام ده ما تخلهوش يقلقك طول ما انت بتاخد الحد المسموح ليك اسبوعيا .. و هسيب لحضراتكم لينك تقدر منه تحسب حسب وزنك لان الشخص كل ما زاد وزنه يقدر يستحمل اكثر الزئبق .. و الناس اللي بتاكل 3 علب تونه يوميا و يقول ما انا عايش اهو و سليم عادي الموضع مش في يوم و ليله الزئبق بياخد شهور و سنين ليتراكم بالجسم و تصيب بتسمم الزئبق .
و ده اللينك اللي هتحسب منه بتكتب الوزن بتاعك و بتكتب وزن السمك اللي هتاكله علي مدار الاسبوع خد بالك اسبوعيا مش يوميا هيديك نسبه المفروض النسبه دي لا تتعدي 100% لو النسبه دي عدت 100% هنا عليك تقلل الكميه حتي تصبح اقل من 100%
بعد ما حسبت انا شويه اسماك بتعامل ديما فيها مع المشتركين معايه في الاون لاين ترينينج اقدر اقولك كل جمبري و سلمون و سردين و قشر بياض و جندوفلي و بلطي براحتك مهما كان وزنك قليل .. التونه اللايت ممكن علبه يوميا التونه العاديه مش لايت احسبها انت حسب وزنك 3-4 علب اسبوعيا .. بتشوف وزن العلبه طبعا بعد ما تصفي منها الزيت و ترميه .
⛔ملحوظه⛔ .. الجنين مخه يتاثر باقل كميه زئبق فا علي الايناث الحوامل الابتعاد عن الاسماك نهائيا فتره الحمل و لو لزم الامر اخرك مرتين في الاسبوع من الجمبري و سلمون و سردين و قشر بياض و جندوفلي .. بلاش باقي الانواع لسلامه طفلك لان انتي لو مظهرش عليكي اي بوادر لتسمم الزئبق هياثر علي طفلك و لقدر الله ممكن يحصل تشوه خلقي او قصور في نمو المخ او الاعصاب
☑️ الخلاصه ☑️
كل تونه لايت يوميا و احسبها بردو حسب وزنك و الافضل من وجه نظري السردين لو بتحبه دوس ده بجد سحر فيه كميه اوميجا 3 رهيبه و كمان كالسيوم بصو مش عاوز اطول اكثر من كده في المقال ده استنو مني مقال كامل عن السردين لانه هيوفرلك كثير جدا من المكملات اللي بتشتريها و منهم الاوميجا 3 طبعا بالمناسبه علبه تونه لايت يوميا ليست كافيه لسد احتياجك من الاوميجا 3 اما السردين كافي .
👈 انتظروا الموضوع الجديد يوم الجمعة 👉
🔞share لو عجبك الموضوع 🔞
للإستعلام عن برنامج التدريب الأونلاين تواصل على رقم (01091300610
تعليقات
إرسال تعليق