طريقك للبدايه في الجيم التدريب الاونلاين.

-

 التدريب الاونلاين انتشر انتشار كبير وبما اني اشتغلت في التدريب الاونلاين ده اكتر من ٤ سنوات وحاليا انا موقف التدريب الاونلاين عشان محدش يقول اني بعمل البوست ده كا نوع من انواع الدعايه فا عايز اقول امتى تختار انك تكون تدرب اونلاين وامتى تكون انتا مش محتاج تتابع اونلاين
 اكتر من ١٠ اسباب شوف انتا مين فيهم وتاج لصاحبك لو هوا محتاج النصيحه 💪🏻

💥 ١- لو انتا لسه جديد في اللعبه فا انتا مش محتاج مدرب اونلاين انتا محتاج مدرب في الجيم يكون واقف معاك ويعرفك الطرق الصحيحه للتدريب كا بدايه

٢- لو انتا اول مره تشترك معا مدرب اونلاين ابعد عن المدرب المشهور عشان في الغالب هيكون مش مركز معاك كويس وحيديك حاجات بيزيك جدا تقدر تعملها لوحدك💥

٣- سبب قوي لو حتشترك معا مدرب اونلاين اشترك معا مدرب تكون حابه ومرتاح له نفسيا اكتر ما تكون انتا معجب بيه كا فورمه وكده عشان النفسيه بتفرق قوي

٤- تابع فتره كويسه المدرب الي عايز تشترك معاه وشوف رأي الناس عنه ممكن تغير رأيك وتلاقي حد احسن

٥- اولاليات ليك كا بدايه اكل كويس وتتمرن في الجيم متضيعش فلوسك دلوقتي اتقل لحد ما تعمل اساس عضلي حتى لو بسيط

٦- اتكلم معا كل المدربين في الاول اونلاين من غير ما تعرفهم انك عايز تتمرين اونلاين الكويس حيفيدك من غير ما تدفع فلوس بعد كده اشترك معاه

٧- في مدربين شاطرين جدااا وملهمش صفحات على النت وموجودين جوه الجيمات بيمرنو احلى و اقوى من المدربين الاون لاين

٨- الاكل رقم واحد من غيره مش هتعرف تعمل اي حاجه

٩ - متشتركش معا واحد اجنبي مشهور تدريب اونلاين عشان اكله غير اكلك خليك معا ابن بلدك عشان هوا حيفهمك لما تقوله عايز اكل ملوخيه ومحشي الاجنبي مش حيفهم نوع الاكل ده فا مش حيفيدك

١٠- اول ما المدرب يقولك سواء اونلاين او جوه الجيم يقولك اول حل ليك حنضرب استرويد ابعد عنه عشان مش حيفرق معاك صحتك الى لو انتا داخل بطوله كبيره هنا حاله استثنائيه

١١- المدرب الي حتشترك معاه لازم يكون عنده تحفيز يخليك تكمل مش مجرد يكتبلك الانظمه بتاعتك لانه النفسيه مهمه جدا يعني لو عندك مشكله انا شايف انه لازم يسمعلك ويديك حلول ويحفزك

١٢- ابعد عن الشخص الي بيتكلم كتير في كل بوستاته عن التدريب الاونلاين المدرب الشاطر يسيب الناس هيا الي تعرف

١٣- في مدربين شاطرين جدا في تدريب  البنات اكتر ما هما شاطرين في تدريب الولاد وديه موهبه مش حاجه عيب عشان هما بيعرفو دماغهم

١٤ - متسوحش نفسك انك تدرب اونلاين وانتا مش معاك تمن الاكل على الاقل الي حتشتريه عشان تعمل نظامك الغذائي.



👈 انتظروا الموضوع الجديد يوم الثلاثاء👉
🔞share لو عجبك الموضوع 🔞

 للإستعلام عن برنامج التدريب الأونلاين تواصل على رقم     (01091300610) 

Instagram:Amrelsherif1399

تعليقات

إرسال تعليق

المشاركات الشائعة من هذه المدونة

جدول تدريب Push Pull Leg بالعربي

-
◀ ينفع للمستوى المتوسط فيما فوق ◀مدة التمرين 6 ايام اسبوعيا ◀وقت التمرين من 45-60 دقيقة عبارة عن انك بتمرن عضلات السحب ف يوم وعضلات الدفع فيوم والرجل فيوم وتكرر وده بيخليك تمرن عضلاتك مرتين اسبوعيا ◀هتاخد اول 3 ايام وراحه وتكمل ال 3 ايام التانيين 🚫Push A 🚫 اليوم الاول دفع عالي بالبار بنش 3x8 incline barbell bench press دفع فلات بالدامبل بنش 3x12 flat dumbell bench press دفع بنش بالدامبل مائل لاسفل 3x12 decline dumbell bench press كتف امامي بالبار واقف 3x12 shoulder military press دامبل تجميع كتف 2x15 Shoulder dumbell press دامبل تراي خلف الرأس (فرنساوي)3x15 triceps dumbell extinsion 🚫Pull A🚫اليوم الثاني سحب امامي واسع 3x8 lat pulldown wide grip دامبل منشار 3x12 Dumbell one arm row ترباس بالبار 3x12 barbell shrugs سحب مجنص بالحبل جهاز الكابل 2x15 standing cable lat pulldown rope تبادل باي دامبل 3x15 biceps dumbell curls 🚫Leg A🚫 اليوم الثالت قطنية ديد ليفت 3x6 deadlift سكوات امامي بالبار 3x12 front squats رجل امامي جهاز 3x15 Leg extinsion جهاز رجل خلفي 3x1...
قراءة المزيد

INBODY

-
⚫هنتكلم عن INBODY طبعا اي حد بيروح جيم او بيفكر يبدأ سواء متابعه اونلاين او متابعه برايفت بيتطلب منه Inbody و معظم الناس مش بتكون فاهمه الكلام الكتير اللي ف الانبودي . 1_ Weight : الوزن. 🔹 و دا وزنك الكلي بالكجم و بيكون فيه تصنيف Under,Normal,Over يعني تحت المعدل او الوزن الطبيعي و طبيعي و فوق العادي اوفر يعني . 2_Muscle Mass : وزن العضلات. 🔹و دا وزن العضلات ف جسمك بالكجم و ف بعض التقارير بتاعت الانبودي بيكون اسمه Skeletal Muscle Mass و دا بيكون مجموع عضلات جسمك فقط من غير القلب و بقية العضلات الداخليه بالجسم. 3_ Body Fat Mass : 🔹و دا بيكون وزن الدهون ف جسمك بالكجم . ايوا ايوا هو متتصدمش ي وحش 😎😎 4_ Total body water : TBW: 🔹و دا بيكون وزن المياه ف جسمك و معروف ان 70% من وزننا مياه . 5_Protein : 🔹من اسمه كمية البروتين اللي موجوده ف خلايا جسمك و بيكون طبيعي ف نسبة 15% 6_Fat Free Mass : FFM 🔹و دا بيكون وزن الكتله اللادهنيه يعني وزن جسمك من غير دهون ي بطل و بيسمي LBM . 7_Minerals. or Total Body Mineral .TBM 🔹و دي بتكون قيمة المعادن ف جسمك و بتدل ع ان صح...
قراءة المزيد

الالياف العضلية

-
👈  لازم تعرف كل عضلة مكونة من ايه عشان تختار نوع التدريب اللى هيجيب نتيجة افضل معاها 💪 - كتير مننا واخد قاعدة ان العدات تبقى من 8-12 عدة وبيعمم القاعدة دى ع كل عضلات جسمه , وده كلام مش صحيح 100% ..  عضلات جسمك مختلفة ف تركيبها الداخلى ولذلك لازم كل جزء يبقى ليه نظام تدريب مستقل بذاته ف اشكال التمارين وعدد المجموعات والتكرارات . ⭕ طيب تمام كدا احنا عرفنا الغلط اللى كنا بنقع فيه عشان نبتدى نعرف الصح لازم يكون لينا قواعد هنمشى عليها القواعد دى هتبقى عبارة عن ان احنا نعرف انواع الالياف العضلية المكونة للعضلات في الجسم البشرى ✳ اول نوع عندنا من الالياف العضلية اسمه ⬇ "TYPE I " : النوع دا عايزين نعرف عنه كام لقطة كدا 1- عشان ينقبض ويشتغل بياخد وقت طويل نسبيا 2- مقاوم للاجهاد يعنى زى واحد نومه تقيل اوووى لكن لما بيصحى ويفوق ممكن يفضل سهران ومطبق لفترة طويلة من غير اما يتعب 3- تقدر تستخدم النوع دا من الالياف لمدة تقدر بالساعات بدون حدوث اجهاد عضلى افضل مثال ع كدا العدائيين بتوع المارثونات بتلاقيهم بيجرو مسافات كبيررررة جدا من غير توقف ومن غير تعب 4- حجم الالياف ...
قراءة المزيد